MULTI-PURPOSE SPEED DRYING TECHNOLOGY GIBIDA SA DOST-10

MOKABAT sa 32 ka Multi-purpose speed drying technology (PORTASOL) ang pormal nga gitunol sa Department of Science and Technology ug lalawigan. Ang nahisgutang kahimanan kinatibuk-ang nagkantidad sa uno punto uno milyones pesos.
Gikabutyag nga dakong tabang ang maong ekipo alang sa pagpalambo sa produksyon ug paghatag dekalidad nga produkto sa Agri-fishery sector ning lalawigan.
Matud sa DOST, kini makahimo sa paspas nga pag-uga sa humay lakip ang mga utanon, cacao, coffee beans, isda ug uban pa.
Ang PORTASOL usa ka mobile multi-purpose speed dryer nga dunay thermal rays ginama sa aluminum nga maoy magsilbing heat conductor. Kini e-assemble sa racks nga dunay plastic sheet protection pangpakgang sa mga peste ug dautang bakterya.
Gihimo ang MOU signing tali nila Governor Peter “Sr. Pedro” M. Unabia ug DOST OIC- Regional Director Engr. Romela N. Ratilla atol sa senimanang pagpakayab sa nasudnong bandila.
Nakalatid kini ubos sa PAGLAUM strategic agenda ni Governor Unabia sa letrang A kon Agriculture development for poverty eradication.

By: Rejiann Ammor R. Maygay/PIO

Hulagway kuha ni: Jezreel Ecuacion/PIO
#GovPUnabia # MultipurposeSpeedDryer