BIKTIMA SA SUNOG SA LAGONGLONG UG MEDINA GI-AYUDAHAN SA PSWD

GIPAUBOS sa intake interview sa Provincial Social Welfare and Development Office (PSWDO) ang 14 ka mga residente gikan sa Barangay Kauswagan, Lagonglong ning lalawigan. Ang maong mga residente mga biktima sa sunog niadtong bulan sa Mayo ning tuiga.
Mapasalamaton si Punong Barangay Hon. Jaime Cuanan kinsa naglaum nga matabangan ang mga biktima sa iyang barangay.
Sa maong kalihokan gitunolan usab sa tag-duha ka kilo nga bugas ang matag usa nga biktima.
Nakalatid kini nga inisyatiba sa PAGLAUM Development Agenda ni Governor Unabia sa letrang U kon Unified Efforts for Health and Social Services Delivery.
Laing siyam usab ka nasunogan didto sa barangay Cabug, Medina ang gitunolan sa ayuda gikan sa PSWD.

By: Jane Salimbao/PIO

Hulagway kuha ni: Marvin Gilig/PIO