GOV UNABIA MITUNOL OG 3 KA UTILITY VEHICLES NGADTO SA PAGRO

PORMAL nga gitunol ni Governor Peter “Sr. Pedro” M. Unabia ang tulo (3) ka utility vehicles ngadto sa Provincial Agriculture Office (PAGRO) bag-ohay pa lamang.
Matod ni PAGRO Operations Division Chief Barbette Roa, gamiton ang mga salakyan aron mapadali ang mga transaksyon sa mga mag uuma sa lalawigan.
Samtang gibutyag ni Autokid Region 10 area head Generick Sison nga gidisenyo ang maong mga sakyanan sa lisod nga mga dalan sa lalawigan.
Nagpasalamat usab si Provincial Agriculture and Veterinary Officer Dr. Benjamin Resma sa gobernador tungod sa maong gasa nga dakog tabang alang sa mga mag-uuma.
Kabahin kini nga kalamboan sa PAGLAUM development agenda sa gobernador nga nakalatid sa letrang A kon Agriculture Development for Poverty Eradication.

By: Nefilim Diaz/PIO

Hulagway kuha ni: Mark Anthony Pareja/PIO