IKA-134 NGA RDC-10 FULL COUNCIL MEETING NAGMALAMPUSON

MALAMPUSONG gipahigayon ang ika syento trayntay kwatro (134) nga Regional Development Council-10 Full Council Meeting diin nagkatigom ang mga kadagkoan sa rehiyon.
Atol sa kalihokan, gihisgotan ang nagkadaiyang plano sama sa El Niño Mitigation and Action Plan for Agriculture, pagtukod sa One Town One Product (OTOP) Hub sa Laguindingan Airport ning lalawigan, Proposed Housing Project alang sa mga apektado sa Typhoon Odette ug Konsultasyong Sulit at Tama (KonSulTa) Package.
Lakip sab sa gihisgotan ang umalabot nga pagpahigayon sa Mindanao Power Summit sa bulan sa Nobyembre, pagpatuman sa Speed Limit sa mga kadalanan ug uban pang mga hisgotanan alang sa kalamboan sa rehiyon.
Nitambong sa kalihokan si RDC-10 Chairperson – Lanao del Norte Governor Imelda Quibranza-Dimaporo, mga LGU-officials sa rehiyon 10 ug mga Regional Directors gikan sa nagkadaiyang ahensya sa gobyerno.
Tumong sa maong panagtigom nga mahisgotan ang mga plano ug mga programa alang sa kalamboan sa ekonomiya, sosyal, imprastruktura ug makro nga sektor sa rehiyon.
Ang maong kalihukan kabahin sa PAGLAUM Development Agenda sa gobernador sa letrang “P” kon Participatory Governance.

By: Jane Salimbao/PIO

Hulagway kuha ni: Marvin Gilig/PIO