MGA CITY AND MUNICIPAL ENRO SA PROBINSYA NAGKATIGOM
NAGKATIGOM ang mga City ug Municipal Environment and Natural Resources Officers (MENRO) sa usa ka meeting bag-ohay lamang.
Nahisgotan sa maong panagtigom ang updates mahitungod sa 10 Year Solid Waste Management Plan ug orientation mahitungod sa Provincial Ordinance No. 1571-2022 nga nagmando sa pag-regulate, sa pagkuha, disposisyon, sa paggamit ug pagproseso sa quarry ug uban pang tinubdan sa minerales sulod sa probinsya ug pag-amendar sa nagkalain-laing buhis ug balayronon.
Atol sa katigoman, gipahigayon sab ang eleksyon sa mga opisyales alang sa bag-ong organisasyon sa mga City ug Municipal ENRO sa lalawigan.
Ang mga opisyales gilangkoban nila Ms. Marlene Fuentes ang Presidente gikan sa Gingoog City, Lila Soquillo ang Vice President gikan sa El Salvador City, April Rose Paragas Waga ang Secretary gikan sa Naawan, Gennyvie Pinton ang treasurer gikan sa Lugait, Augie Mae Vanguardia ang Auditor gikan sa Villanueva ug Gemrex Breva ang PIO sa esteng bahin gikan sa Magsaysay ug Barry Balacuit ang PIO sa westeng bahin gikan sa Alubijid.
Kanunay mandato ni Governor Unabia mapahingusgan ang pagdumala sa quarry sa lalawigan ug labaw sa tanan maprotektahan ang kinaiyahan. Kini nga kalihokan nakabase sa PAGLAUM Development Agenda sa letrang “M” kon Mobilization of Resources through Equitable Sharing.
By: Jane Salimbao/PIO
Hulagway kuha ni: Mark Anthony Pareja/PIO
