MINILYONG KANTIDAD ALANG SA RENOVATION SA MOPH TALISAYAN

MOKABAT sa siento biente milyones (120,000,000) pesos supplemental budget ang gahin alang sa renovation sa Misamis Oriental Provincial Hospital (MOPH) building sa Talisayan ning Lalawigan.
Kini gibutyag ni Governor Peter “Sr. Pedro” M. Unabia atol sa selebrasyon sa 50th founding anniversary sa MOPH.
Ang nahisgutang kantidad gi-aprobahan sa tinguhang mapalambo ang serbisyo sa maong balay tambalanan. Kabahin kini sa Paglaum Development Agenda sa Gobernador sa letrang U kun Unified efforts for health and social services delivery.

By: Angela Duat/PIO

Hulagway kuha ni: Marvin Gilig/PIO