UNABIA MIMANDO PAGPADALI SA MGA PROYEKTO SA LALAWIGAN.
HUGTANONG gimando ni Governor Peter “Sr Pedro” M. Unabia ang pagpadali sa mga proyekto sa lalawigan. Ang maong kamandoan iyang giluwatan human niya gitigum ang mga ginsakpan sa Provincial Engineering Office.
Base sa buhatan sa PEO dul-an kuwatro sientos singkwenta (P448, 859, 388.17) milyones pesos ang kasamtangang napatuman sa probinsiya ubos ni Unabia.
Sa direktiba ni Unabia gimandoan niini ang PEO nga pangitaan ug paagi nga mahuman sa tukmang panahon ang maong mga proyekto.
Ang nahisgutang mga proyekto gilangkuban sa school buildings, multi-purpose buildings, covered courts, child development centers, kalsada, ospital, drainage ug water system. Hangtud Hunyo 30 ning tuiga mokabat sa 117 ka mga proyekto ang gisugdan ubos sa administrasyong Unabia diin 32 niini ang nakompleto na, 30 ang padayong gi-implementar samtang ang uban naghulat lang sa tukmang mga dokumento para pamatuman.
Ang agresibong pagpatuman sa mga proyekto kabahin kini sa letrang M sa PAGLAUM agenda nga Mobilization of resources thru equitable sharing.
By: Nefilim Diaz/PIO
