loader image

IKADUHANG HUGNA SA SB CORP REGIONAL ROADSHOW SA EL SALVADOR CITY NAGMALAMPUSON

Moabot sa dos syentos dise syete (217) ka mga negosyante gikan sa El Salvador City ang mitambong sa 2023 Small Business Corporation Regional Roadshow ning lalawigan.
Kini mao ang ikaduhang hugna sa nasangpit nga kalihokan para sa mga negosyante gikan sa westeng bahin.
Kini gilangkoban sa mga lungsod sa Alubijid, Laguindingan, Gitagum, Libertad, Initao, Naawan, Manticao, Lugait ug dakbayan sa El Salvador.
Atol sa kalihokan, gitunolan sa syento baynte (120,000) mil pesos si Mrs. Lea Marie Camsar para sa iyang negosyong egg production isip hulam gikan sa Small Business Corporation.
Anaa sa maong kalihokan sila si Gobernador Peter Unabia, 1st District Representative Christian Unabia, 2nd District Representative Cong. Bambi Emano, SBC-Office of the Strategy Management Senior Vice President Mr. Angelito Acupan, Lazada Strategic Partnerships Lead Mr. George Tongol, mga mayores gikan sa westeng bahin sa probinsya ug uban pang mga dinapit nga bisita.
Tinguha sa gobernador nga mahatagan og opurtunidad ang mga gagmayng negosyante nga molambo sa ilang panginabuhian dinhi sa lalawigan.
Kabahin kini sa PAGLAUM Development Agenda sa letrang โ€œLโ€ kon Livelihood and Employment through Industry Development.

By: Jane Salimbao/PIO


Hulagway kuha ni: Marvin Gilig/PIO