KABATAN-ONAN SA MEDINA, MAPASALAMATON SA PROVINCIAL LEGAL OFFICE

MAPASALAMATON ang mga kabatan-onan sa Medina National Comprehensive High School (MNCHS) ngadto sa Provincial Legal Office sa ilang pagpanguna sa ‘Seminar on Child Protection and Other Related Laws’.
Matod ni Rich Jasper Adonis, presidente sa Supreme Student Government sa MNCHS, dako ang tabang sa maong seminar tungod sa mga impormasyon kabahin sa ilang katungod nga nalatid sa balaod. Gidugang ni Adonis, nakat-unan nila ang mga balaod kalabot sa proteksyon batok sa pagpangabuso, online sexual abuse ug cyber libel.
Lakip kini nga kalihokan sa PAGLAUM strategic direction sa gobernador nga nakalatid sa letrang “P” kon Participatory Governance, ug A kon Aggressive Programs for Youth Welfare and Development.

By: Nefilim Diaz/PIO

Hulagway kuha ni: Mark Anthony Pareja/PIO