SUNOD-SUNOD ang pagbansay sa mga Public Assistance Complaints Desk (PACD) personnel sa nagkadaiyang buhatan sa Kapitolyo Probinsiyal.
Nahisgutan sa pagbansay ang pagtuman sa nakasa-ad sa citizen’s charter sa matag buhatan labi na ang oras sa pag proseso sa mga papeles sa mga kliente.
Tumong niini nga mapadali ug dunay transaparensya sa mga proseso ug maayong pag abi-abi sa mga kliente subay sa gimando sa Anti-Red Tape Authority (ARTA).
Ubos sa programang Basic Customer Skills Training ang maong kalihokan nga gipangunahan sa Provincial Human Resource Management Office kauban ang One Consultancy Services.
Kahinumdoman, gihatagan og dakong pagtagad ni Governor Peter “Sr. Pedro” M. Unabia ang paghatag dakong bili sa mga kliente nga modangop sa Kapitolyo Probinsyal hilabi na sa mga kabus.
Kabahin kini nga kalihokan sa PAGLAUM strategic direction sa administrasyon nga nakalatid sa letrang “P” kon Participatory Governance.

By: Nefilim Diaz/PIO

Update gikan sa Human Resource Management Office…