GPMU MI-INDORSO KANG COL. CADUYAC MANGULO SA KAPOLISAN SA LALAWIGAN

GITAKDANG pangulohan ni PCOL Choli Jun Pacaña Caduyac ang kapolisan sa lalawigan.
Nalatid sa memorandum sa Camp Crame, Directorate for Personnel and Records Management ang pagtapos sa termino ni PCOL Gonzalo Villamor isip hepe sa kapolisan sa probinsiya ug ang pagtudlo ni PCOL Choli Jun Caduyac isip acting Provincial Director sa lalawigan.
Ang memorandum sa DPRM pinetsahan niadtong Hulyo 14 ning tuiga.
Si Col. Caduyac lumad nga taga Luz Banzon, Jasaan ug anak sa kanhi miyembro sa Philippine Constabulary ug retired Luz Banzon Elementary school principal. Siya kanhi hepe sa Criminal Investigation and Detection Group sa Rehiyon 10 ug 13.
Sa pakighinabi sa PIO Radio program iyang gibutyag nga andam na siya sa iyang bag-ong tahas pagpangulo sa kapolisan sa probinsiya.

By: rw