PROVINCE-WIDE FEEDING PROGRAM GILARAW NGA IPAHIGAYON SA LALAWIGAN

GILARAW sa Department of Social Welfare and Development Office (DSWD) Region 10 ang Province-wide Feeding Program (PFP) dinhi sa lalawigan.
Matud ni Provincial Administrator Mr. John Venice Ladaga atol sa senimanang pagpakayab sa nasudnong bandila. Dugang sa administrador, moabot sa singkwenta (50) milyones pesos ang gi-alokar nga pundo alang sa maong kalihokan.
Tinguha niini nga matubag ang suliran sa malnutrisyon ug stunting pinaagi sa paghatag sa maayong nutrisyon sa mga kabataan.
Subay ang maong kalihokan sa PAGLAUM Development Agenda ni Governor Peter “Sr. Pedro” Unabia sa letrang “U” kon Unified Efforts for Health and Social Services Delivery.

By: Jane Salimbao/PIO