BALINGASAG MAYOR QUINA: “I WILL GIVE MY 101% FOR THIS MVRP PROGRAM”

GIDAYEG ni Balingasag Mayor Hon. Alexis Quina ang inisyatiba ni Gobernador Peter “Sr. Pedro” M. Unabia nga Moral Values Reorientation Program. Kini iyang gibutyag atol sa panagtigom sa mga MVRP Core Groups sa ilang lungsod.
Matud sa mayor hugot ang iyang suporta tungod sa kabililhon sa maong programa ug dakog ikatabang sa mga empleyado hilabina ang mga dunay katungdanan sa gobyerno.
Dugang ni Mayor Quina, lig-on nga moral ang gikinahanglan sa usa ka public servant aron makab-ot ang kalinaw sa tibuok katawhan sa probinsya.
Sukad nga namunuan si Gobernador Unabia tinguha na niini nga matukma ug mabuhi ang moral sa katawhan.
Nakalatid ang maong programa sa PAGLAUM Development Agenda sa letrang “P” kon Participatory Governance ug letrang “U” kon Unified Efforts for Health and Social Services Delivery.

By: Jane Salimbao/PIO

Hulagway kuha ni: Marvin Gilig/PIO