15 UNITS NGA RAIN GAUGES GITUNOL SA NGCP NGADTO SA PDRRMO

PORMAL nga gitunol sa National Grid Corporation of the Philippines (NGCP) ang 15 ka rain gauges para sa lalawigan.
Ang pag-turn over sa maong mga kagamitan ngadto sa Provincial Disaster Risk Reduction Management Office gihimo ni NGCP Transmission Line Manager, Mindanao Operations and Maintenance District 3 Ferdinand Lluisma.
Matud ni PDRRMO Assistant Head Henry Floy Francisco nga ang nahisgutang mga ekipo makatabang pag-monitor sa panahon.
Ang turn-over ceremony gisaksihan usab nila ni Provincial Administrator John Venice Ladaga ug NGCP Lead Specialist Government Relations and Regional Affairs Mae Roselle Curiano.
Nasayran nga ang Misamis Oriental maoy una nga lokal nga kagamhanan nga nahatagan sa maong mga kahimanan gikan sa
NGCP.
Usa kini sa Paglaum Development Agenda ni Governor Peter “Sr. Pedro” M. Unabia sa letrang U kun Unified Efforts for Health and Social Services Delivery.

By: Angela Duat/PIO

Hulagway kuha ni: Jezreel Ecuacion/PIO