SERBISYONG PAGLAUM GIHATOD NI GPMU SA BARANGAY POBLACION 2, VILLANUEVA

DAKO ang kalipay sa mga katawhan sa Barangay Poblacion 2 lungsod sa Villanueva sa Serbisyong paglaum nga gipangunahan ni Governor Peter “Sr,Pedro” M. Unabia.
Ubay-ubay nga mga serbisyo ang natunol sama sa medical check-up sa mata, Dental Services, Blood test, konsultasyon sa mga mabdos, libreng tuli, food assistance ug uban pa.
Niduyog sa maong kalihokan ang Philippine Statistic Office (PSO) ug Department of foreign affairs (DFA) aron mugiya alang sa sayon nga pag proseso sa dokumento ug Social Services alang sa mga Senior Citizens ug Person with Disability (PWD).
Gitunol usab ang kwarentay syete (47) ka-Scholarship Certificates ug Educational Assistance alang sa mga Iskolar ko ng Bayan (IKNB) ug Cash assistance alang sa nasunogan sa Barangay 1 sa maong lungsod.
Kini agi’g pagtuman sa saad sa Gobernador nga magbisita sa mga katawhan sa kabarangayan ug lungsod aron madungog ug mahatud ang mga batakang serbisyo ubos sa iyang PAGLAUM strategic direction sa letrang “U” kon Unified efforts for Health and Social Services Delivery.

By: Ellen Mae Lahinao/PIO

Hulagway ni: Marvin Gilig/PIO