HRMO GIBIDA ANG ADOPT A BRGY. PROJECT UG MVRP UPDATES

PINAAGI sa Human Resource Management Office (HRMO) pinangunahan ni Atty. Jocelyn Lood-Mateo, aktibong napadayon ang implementasyon sa Adopt a Brgy. Project ug Moral Values Reorientation Program (MVRP).
Labihan ang pasalamat sa lumolupyo sa Brgy. Banglay, Lagonglong sa nadawat nga serbisyo. Gawas sa feeding program nanghatag usab ang maong buhatan sa school supplies ngadto sa mga kabataang estudyante.
Duna usab mga seedlings alang sa pagpalambo sa ilang agrikultura sama sa communal garden ug pinansyal nga ayuda alang sa water system. Gisugdan na usab ang proyektong dalan sa Sitio Kamansi sa maong barangay.
Giawhag ni Lagonglong Mayor Hon. Jay Albert Puertas ang kanunayng suporta alang sa administrasyong PAGLAUM ni Governor Peter “Sr. Pedro” Unabia.
Samtang padayon usab ang implementasyon sa MVRP sa lalawigan. Ang pagpatuman sa maong programa subay kini sa Ordinance No. 1580-2023. Una na kining nasugdan sa kapitolyo subay sa Executive Order No. 009-2023.
Kini nga mga programa nakalatid sa PAGLAUM Development Agenda sa gobernador ubos sa letrang “U” kon Unified Efforts for Health and Social Services Delivery.

By: Rejiann Ammor R. Maygay/PIO

Hulagway kuha ni: Jezreel Ecuacion/PIO