PROVINCIAL LEGAL OFFICE, GIBANSAY ANG MGA BARANGAY OFFICIALS SA LAGUINDINGAN

MOKABAT sa syento sais syenta (160) ka mga barangay officials sa lungsod sa Laguindingan ang nahatagag katin-awan ug nadugangan ang kahibalo bahin sa hisgutanang legal sa pagdumala sa ilang mga barangay. Kini human ang Provincial Legal Office nipahigayon sa ‘Legal Aid Activity’ sa maong lungsod.
Nahisgutan sa maong kalihokan ang Katarangungang Pambarangay, Violence Against Women and Children (VAWC), Basic Family Code Provisions on Marriage with respect to Anti-Child Marriage Law, Anti-Child Abuse Law, Anti-Online Sexual Abuse and Exploitation of Children (OSAEC), Act of Special Protection of Children in Armed Conflict, ug Anti-Trafficking in Persons Act.
Mapasalamaton si Provincial Legal Officer Atty. Cerilio Neil E. Pacana sa pagtambong sa mga barangay officials labina nga mahinungdanon kaayo nga mahibalo sila sa paghusay sa mga problema sa ilang mga barangay.
Kabahin kini nga kalihokan sa PAGLAUM strategic direction ni Governor Peter “Sr. Pedro” M. Unabia nga nakalatid sa letrang P kon Participatory and Consultative Governance.

By: Nefilim Diaz/PIO

Hulagway kuha ni: Marvin Gilig/PIO