PROVINCIAL YOUTH DEVELOPMENT OFFICE NAGPAHIGAYON SA YOUTH SUMMIT

GIPANGUNAHAN sa Provincial Youth Development Office (PYDO) ang Provincial Youth Summit sa lalawigan. Kini nga kalihokan dunay temang ‘Kabatan-onan: PAGLAUM ug KAUGMAON para sa Malinawon nga Probinsya ug Kumunidad’.
Tumong sa kalihokan nga mahatagan sa dugang kahibalo ang kabatan-onan bahin sa leadership, spiritual guidance, ug patriotism hilabi na niadtong mga giila nga mga bata nga huyang sa impluwensya sa recruitment sa Communist Terrorist Group (CTG).
Gipahigayon ang maong kalihokan sa 10th Regional Community Defense Group, Camp Evangelista, Patag, Cagayan de Oro City.
Mitambong sa maong kalihokan sila Governor Peter “Sr. Pedro” M. Unabia, 4th Infantry Division Commander Major General Jose Maria R. Cuerpo II, Colonel Eduardo M. Monjardin, Special Assistant to the Governor Virgelia Dumadag, ug mga kabatan-onan gikan Jasaan, Salay, ug Villanueva ning lalawigan.
Matod sa PYDO, magpadayon pa ang maong programa sa mga mosunod nga adlaw aron mahatagan sa giya ang mga kabatan-onan hilabi na sa pagpakgang sa impluwensya sa walhong grupo.
Kabahin kini nga kalihokan sa PAGLAUM strategic direction sa gobernador nga nakalatid sa letrang “A” kon Aggressive Programs for Youth Welfare and Development.

By: Nefilim Diaz/PIO

Hulagway kuha ni: Reshel Mae Cadavero/PIO