GIILA ang Oolong Tea dinhi sa lalawigan nga Best Food Souvenir sa ATOP-DOT Pearl Awards ning tuiga. Ang Oolong tea nga anaa Makita sa Barangay Kalagonoy, Gingoog city maoy grand winner sa Pearl Awards 2023.
Gipasidunggan usab isip Most Outstanding Tourism Officers Association ang Misamis Oriental. Ang Misamis Oriental, 1st runner up sa Best Promotional video ug Best Hosting of a local event. Second runner up sa Best Tourism week celebration ug Best Tourism Oriented PLGU. Finalist usab kini sa Best Cultural Festival Event.
Ang ATOP-DOT Pearl Awards 2023 gipahigayon atol sa 24th ATOP National Convention didto sa Boracay, Malay, Aklan.
Kini gitambongan ni Tourism Secretary Christina Frasco, Mis.Or. Tourism council co-chair Erlinda Unabia, 2nd District Representative Bambi Emano, Tourism officers ug uban pa.
Kini kabahin sa letrang “G” kon Goal-oriented tourism development sa PAGLAUM agenda sa lalawigan.
