PROVINCAL LEGAL OFFICE, GI-SEMINAR ANG MGA BRGY OFFICIALS SA BALINGOAN UG SUGBONGCOGON

GIHATAGAN sa dugang kahibalo mahitungod sa balaod ang mga barangay official sa Balingoan ug Sugbungcogon ning lalawigan. Ang maong kalihokan gidumala sa Provincial Legal Office.

Lakip sa gihisgutan ang Katarangungang Pambarangay, Violence Against Women and Children (VAWC), Basic Family Code Provisions on Marriage with respect to Anti-Child Marriage Law, Anti-Child Abuse Law, Anti-Online Sexual Abuse and Exploitation of Children (OSAEC), Act of Special Protection of Children in Armed Conflict, ug Anti-Trafficking in Persons Act.

Matud ni Sugbongcogon Vice Mayor Ivan Chester Lagbas, mahinungdanon ang pagbisita sa legal office aron mahatagan sa dugang kahibalo ang mga barangay officials.

Matud ni Kauswagan Barangay kapitan Renato Budlaw nga dako kini ug tabang sa ilang pag sulbad sa mga kasong nasang-at sa ilang barangay.

Kabahin kini nga programa sa PAGLAUM strategic direction ni Governor Peter “Sr. Pedro” Unabia nga nakalatid sa letrang P kon Participatory Governance.