GOBERNADOR UNABIA GIDASIG ANG MGA BATAN-ON NGA MAG-NEGOSYO
GIDASIG ni Gobernador Peter “Sr. Pedro” Unabia ang mga kabatan-onan sa probinsya nga mag-negosyo. Kini iyang giluwatan atol sa closing ceremony sa Paglaum Youth Leadership Summit nga gipahigayon sa 4th Infantry Division, Camp Evangelista, Cagayan de Oro City.
Personal nga nakighinabi ang gobernador sa pipila ka mga batan-on nga mitambong sa kalihokan.
Matud ni Mr. Jigger Gulay sa Villanueva mapasalamaton siya og dako sa gobernador tungod sa kahigayonan nga makighinabi kaniya hilabina paghisgot sa iyang pangandoy.
Si Mr. Gulay nanghinaot nga matabangan ang iyang inahan nga mapalambo ang ilang negosyo nga batchoy.
Samtang si Ms. Jujelen Flores nangandoy nga makabaton og saktong pwesto sa ilang gamay nga negosyong karenderya ug si Ms. Arlyn Talle alang sa iyang snacks nga negosyo.
Gipasalig sa amahan sa lalawigan nga andam niining tabangan nga matuman ang pangandoy sa mga batan-on sa umalabot nga panahon.
Subay kini nga programa sa PAGLAUM Development Agenda sa gobernador sa letrang “A” kon Aggressive Programs for Youth Welfare and Development.
By: Jane Salimbao/PIO
Hulagway kuha ni: Reshel Mae Cadavero/PIO
