GPMU NANAWAGAN SA MGA POULTRY FARMERS SA KOOPERASYON
NANAWAGAN si Governor Peter “Sr. Pedro” Unabia sa mga poultry farmers ug stakeholders ning lalawigan sa kooperasyon sa gobyerno. Kini human gitigom sa Provincial Agriculture Office (PAGRO) ang maong sektor sa tinguhang masolusyonan ang mga nag-unang problema sa poultry.
Ang mga nahisgutang problema sa poultry mao ang pag kontrol sa populasyon sa langaw, basa nga poultry farm, ug ang insaktong pag gamit sa larvicide ug adulticide.
Kahinomduman nga determinado si Unabia pagpasirado sa mga poultry farm nga wala motubag sa rekomendasyon sa PAGRO.
Samtang mapasalamaton si PAGRO Officer-in-charge Dr. Benjamin Resma sa mga poultry farmers ug stakeholders sa ilang pagtambong nga nagsilbing kooperasyon aron mahatagan kasolbaran ang mga problema sa poultry farming.
Kabahin kini nga kalihokan sa PAGLAUM strategic direction sa gobernador nga nakalatid sa letrang A kon Agriculture Development for Poverty Eradication.
By: Nefilim Diaz
