LECTURE ON TOURISM INDUSTRY PARA SA MGA ESTUDYANTE

NAGPAHIGAYON ang Provincial Tourism Office og tulo ka adlaw nga lectures kalabot sa industriya sa turismo sa lalawigan.

Kini nga mga lectures gilangkoban sa Lectures on Tourism Standards, Lectures on the Tourism Landscape ug Lectures on the Food Safety and Handling.

Misalmot sa kalihokan ang mga Hotel and Restaurant Management ug BS Tourism students gikan sa Liceo de Cagayan University (LDCU) ug Southern de Oro Philippines College (SPC), ug Misamis Oriental Hotel and Restaurants Association (MOHARA) ug mga sakop sa Association of Tourism Officers of Misamis Oriental (ATOM).

Resource speakers sila si Department of Tourism-Northern Mindanao Standards and Accreditation Section Tourism Operations Officer Mr. Ariel Gabriel L. Estrada, Provincial Tourism Officer Atty. Jeffrey C. Saclot ug DOST-10 Professional Food Technologist Mr. Marl Andrian Patrick Dalinao.

Kini nga kalihokan kabahin sa Province-wide National Tourism Week.

Subay kini nga kalihokan sa PAGLAUM Development Agenda ni Governor Peter “Sr. Pedro” Unabia sa letrang “G” kon Goal-Oriented Tourism Development.

Hulagway kuha ni: Andy Pacamalan/PIO