loader image

OPISYALES SA LADRA NANUMPA

NANUMPA atubangan ni Governor Peter “Sr. Pedro” Unabia ang mga gipiling opisyales sa Laguindingan Drug Respondent Association (LADRA) ning bag-o lamang.
Matud ni Nonie Pading, presidente sa LADRA, tumong sa asosasyon nga makahatag og kasayuran sa mga migraduar sa drug rehab nga dili na mobalik sa pag gamit sa gidiling droga.
Gidugang ni Pading, ang alcoholic and narcotics anonymous usa ka monthly meeting session sa mga former drug users ug alcoholics.
Samtang gihagit sa gobernador ang LADRA nga maghatag og mga proposal sama sa livelihood projects aron makahatag sa tukmang tabang ang Panggamhanang Probinsyal.
Gikalipay usab ni Pading ang paghatag og pagtagad sa gobernador nga masuportahan ang tinguha sa ilang asosasyon.
Subay kini nga kalamboan sa PAGLAUM strategic direction sa gobernador nga nakalatid sa letrang L kon Livelihood and Employment Thru Industry Development ug U kon Unified Efforts for Health and Social Services Delivery.
By: Nefilim Diaz/PIO