GIPAHINUMDUMAN ni Provincial Administrator John Venice Ladaga ang mga empleyado pagsuporta sa mga programa ni Governor Peter “Sr. Pedro” Unabia. Kini mao ang sentro sa iyang mensahe sa ngalan ni Governor Unabia atol sa pagpakayab sa nasudnong bandila sa kapitolyo.
Lakip sa mga programang gipatuman ang may kalabotan sa no noon break policy, pagsuot sa hustong uniporme ug pagsunod sa bag-ong biometric attendance schedules.
Gidasig usab niini ang mga departamento pag-review sa ilang mga gastohanan atol sa matag meeting nga ilang gipasiugdahan.
Sa katapusan gihangyo niini ang tanang mga buhatan ug tanang department head nga mohatag sa serbisyo sa kinasingkasing ngadto sa kinabag-an.
Subay kini nga mga lakang sa PAGLAUM Development Agenda ni Governor Unabia sa letrang “P” kon Participatory Governance.
By: Jane Salimbao/PIO
Provincial Administrator John Venice Ladaga sa iyang mensahe.
Mga empleyado sa Kapitolyo Probinsyal sa pagsalmot sa flag raising ceremony.
