MOKABAT singko milyones pesos (Php 5,000,000.00) nga pundo para sa programang Assisitance of Individual In Crisis Situation (AICS) dinhi sa lalawigan. Ang nahisgutang pundo nag-gikan sa Department of Social Welfare and Development-10 (DSWD-X) ug pormal nga gitunol sa lalawigan atol sa senemanang pagpakayab sa nasudnong bandila sa kapitolyo probinsiyal.
Subay niini kinasing-kasing nga mipasalamat si Gov. Peter “Sr. Pedro” Unabia sa DSWD gumikan sa tabang niining mapalapad pa ang nahisgutang programa para sa mga naglisod nga katawhan sa lalawigan.
Kabahin usab kini sa paninguha ni Unabia nga maminosan ang kapobrehon sa lalawigan.
Si DSWD- 10 Regional Director Ramel F. Jamen, PSWDO Head Jhunleymar Abella ug mga miyembro sa Sangguniang Panlalawigan ang misaksi pagtunol sa nahisgutang kantidad ngadto ni Gov. Unabia.
Kini hisubay sa PAGLAUM development agenda sa gobernador ubos sa mga letrang U kon unified efforts for health and social services delivery ug P kon participatory governance.
By: Rejiann Ammor R. Maygay/PIO
MOA Signing tali kagamhanang probinsyal ug DSWD-10 alang sa AICS turn-over.
Gov. Peter Unabia ug DSWD- 10 RD Ramel F. Jamen sa pagtunol sa AICS financial assistance.
