KAPIN 600 KA PAMILYA NAKA BENEPISYO SA FAITH PROGRAM

KAPIN 600 na ka mga pamilya ang naka benepisyo sa programang Food Always In The Home (FAITH) program sa Provincial Agriculture Office (PAGRO).
Matod ni Susan Rose Laquibla Supervising Agri-technician sa PAGRO, ang maong ihap gilangkuban sa mga pamilya sa lalawigan, casual ug job order employee sa kapitoyo probinsiyal.
Gidugang ni Laquibla paspas ang koordinasyon sa mga local government units diha sa implementasyon sa maong programa.
Kahinumdomang ang FAITH program usa sa mga programa ni Governor Peter “Sr. Pedro” Unabia nga makubsan ang kalisod sa lalawigan.
Gidugang usab ni Laquibla, dunay kooridinasyon sa PAGRO ngadto sa mga skwelahan aron ma-implementar ang Gulayan sa Paaralan Program kon GPP nga nahisubay usab sa FAITH program sa gobernador.
Ang GPP usa ka programa Department of Education kauban ang ubang ahensya sa gobyerno ug Non-Government Organizations (NGO) nga nagtinguha nga matubag ang problema sa food security ug malnutrisyon.
Kabahin kini nga kalamboan sa PAGLAUM strategic direction sa administrasyon ubos sa letrang A kon Aggressive Programs for Youth Welfare and Development.

By: Nefilim Diaz/PIO

Hulagway kuha ni: Mark Anthony Pareja/PIO