MGA MANANAOG SA CSC SPORTS TOURNAMENT, GIPASIDUNGGAN SA KAPITOLYO PROBINSYAL

Gipasidunggan sa Kapitolyo Probinsyal ang mga mananaog sa bag-o lang natapos nga Inter-Office Sports Tournament.
Gitunol mismo ni Governor Peter “Sr. Pedro” Unabia ang plake ug cash prize ngadto sa mga mananaog.
Nahimong kampyon sa basketball ang Cluster 2, sa chess midaog ang Cluster 1, sa volleyball men ug volleyball women mao ang Cluster 2, sa dart mao ang Cluster 3, sa table tennis mao ang Cluster 2, sa badminton mao ang Cluster 4.
Samtang, nahimong overall champion ang Cluster 3 nga langkoban sa mga buhatan sa HRMO, MisorTel, MOPIAD, MIS, Tourism, Library, ENRO, PYDO ug Cooperative Office.
Samtang gipasidunggan sab ang mga mananaog sa PGMO Ambassador & Ambassadress 2023 nga langkoban nila Arch. Ralline Stefan Waminal gikan sa Cluster 6 ug Mr. Mac Auley Tumarong gikan sa Cluster 3.
Kahinumduman, gihimo kini nga kalihokan subay sa 123rd Philippine Civil Service Anniversary sa tibuok bulan sa Septiyembre.

By: Jane Salimbao/PIO

Hulagway kuha ni: Marvin Gilig/PIO