PROVINCIAL POLICE MIPASALIG SA KAHUSAY UG KALINAW SA LALAWIGAN

Gipasalig ni Provincial Police Director PCOL. Choli Jun Caduyac nga andam ang kapulisan sa paghatag siguridad sa lalawigan. Kini giluwatan ni Caduyac atol sa gipahigayong Provincial Peace and Order Council Meeting. Gipasigarbo usab ni Caduyac ang programang ‘Pulis Misamisnon, Kauban mo!’. Ubos niini nga programa ang pagkuha sa mga civilian volunteers para sa kampanya sa kahusay ug kalinaw sa probinsiya. Samtang gihisgutan usab sa maong tigum ang programa para sa mga kanhi rebelde. Lakip sa programa nga gihisgutan sa Department of Trade and Industry ang livelihood assistance ug ang kahibalo kalabot sa patigayon. Ang PPOC meeting gitambongan usab sa nagkadaiyang mayors sa lalawigan, kapolisan, kasundalohan ug nasudnong ahensiya sa kagamhanan.
Kabahin kini sa letra “P” sa PAGLAUM strategic direction agenda nga Participatory Governance.

By: Nefilim Diaz/PIO

Hulagway kuha ni: Jezreel Ecuacion/PIO