KAPIN Biente Otso milyones pesos (Php 28,221,720.32) nga school buildings ang gi-inagurahan ni Governor Peter “Sr. Pedro” Unabia sa lungsod sa Claveria, Jasaan ug Tagoloan ning lalawigan.
Kini gilangkuban sa 2-storey, 4 classroom building nga itukod sa Luz Banzon Integrated School sa Jasaan ug Casinglot Integrated School sa Tagoloan. Samtang 1-storey, 5 classroom building ang pagatukoron sa San Roque Elementary School, Aposkahoy sa Claveria.
Matod ni Jasaan Public Schools District Supervisor Cydel Valmores, importante kaayo ang school buildings tungod sa kakulangon sa mga classroom sa Misamis Oriental.
Matod usab ni San Roque Elementary School – School In-charge Pedro Saballero dakong tabang sa mga bata ang maong proyekto tungod sa sitwasyon sulod ilang tulunghaan diin ang mga bata mabasa sa ting-ulan.
Samtang naghatag sa ilang kinasing-kasing nga pasalamat ang mayor sa mga nahisgutang lungsod tungod sa hugot nga suportang gihatag sa gobernador.
Kabahin kini nga kalamboan sa PAGLAUM strategic direction sa gobernador ubos sa letrang M kon Mobilization of Resources Thru Equitable Sharing.
By: Nefilim Diaz/PIO
Gov. Unabia sa iyang pagpanguna sa capsule-laying sa school building sa San Roque Elem School sa Brgy. Aposkahoy, Claveria.
Paghatag mensahe ni Gov. Unabia sa Casinglot IS sa Tagoloan.
Blessing sa tukorong school building sa Luz Banzon IS sa Jasaan.
