HEALTH AND WELLNESS PROGRAM GIPATUMAN SA KAPITOLYO PROBINSYAL
PORMAL nga gisugdan sa Provincial Administrator Office pinaagi sa pakigtimbayayong sa Human Resource Management Office ang Health and Wellness Program.
Tumong niini nga programa para sa tanang kawani sa Kapitolyo Probinsyal nga maka-ehersisyo matag miyerkules diha sa Pelaez Sports Complex. Subay kini sa Memorandum order JVL No. 1898-2023 para sa tanang buhatan sa kapitolyo probinsyal.
Tumong sa maong kalihokan ang pagpatuman sa Republic Act No. 11036 kon Mental Health Act nga usa sa mga katungod sa tanang Filipino.
Kahinomduman nga mi-isyu ang Civil Service Commission ug Memorandum Circular No. 04 series of 2020 kon Mental Health Program in the Public Sector.
Laraw niini ang pag-promote sa morale, efficiency, integrity, responsiveness and courtesy sa mga public servants diha sa pagpanerbisyo sa katawhan.
Sentro sab sa kickoff program ang volleyball, basketball, badminton ug chess. Aduna usab gipahigayon nga zumba para sa tanang empleyado.
Nakalatid kini sa PAGLAUM Development Agenda sa gobernador sa letrang ‘U’ kon Unified Efforts for Health and Social Services Delivery.
By: Asthea Torrecampo/PIO
