PROGRAMANG IMPRASTRAKTURA GIHINGUSGAN NI GOV. UNABIA

SENTRO ang pagpalambo sa industriya sa tibuok rehiyon ang hisgutanan atol sa 3rd Quarter 2023 Regional Development Council Infrastructure Committee meeting. Ang RDC – InfraCom gipangulohan ni Governor Peter “Sr Pedro” Unabia ning lalawigan.
Lakip sa mga dagkong hisgutanan ang kabahin sa pagpalapad sa Laguindingan Airport ug dugang mga konkretong dalan sa tibuok rehiyon. Kahinumdomang kini nga mga hisgutanan nalakip usab sa 2023 Northern Mindanao Integrated Security Summit, Northern Mindanao Regional Development Policy Research Agenda sugod ning tuiga hangtud 2028.
Nakalatid ang maong kalihukan sa PAGLAUM development agenda ni Governor Unabia ubos sa mga letrang P – Participatory Governance ug M – Mobilization of resources through equitable sharing.

By: Rejiann Ammor R. Maygay/PIO

Photos courtesy: Peter “Sr. Pedro” Unabia fb page