GITUTOKAN karon sa Department of Agriculture (DA) panaagi sa Bureau of Animal Industry (BAI) ang paghatag awareness batok African Swine Fever (ASF).

Ang maong kalihokan subay kini sa programa sa National ASF Prevention and Control Program (NASFPCP) nga “Bantay ASF sa Barangay Program”. Kini kabahin sa pagpalig-on sa implementasyon pinaagi sa pagpalapad sa impormasyon kalabot sa ASF. Ang ASF usa kini ka makamatay ug makatakud nga sakit sa mga wild ug domesticated nga mga baboy nga kadaghanan makit-an sa mga family-run pig farms.

Mukabat 100% mortality rate sa mga baboy nga mamahimong apektado niining viral nga sakit. Giklaro ni BAI – NASFPCP Regional Field Coordinator and Veterinarian Dr. Wilgen Khen Marie Palma nga ang ASF dili kini makatakud sa mga tao apan pwede mamahimong carrier kon na-expose kini sa baboy nga apektado niini. Giawhag usab niya ang mga katawhan ug mga pig farm owners nga magbalantayon sa pagpalit ug mga pork products ug sa pagbuhi ug baboy. Gidasig usab ni BAI – NASFPCP Information Officer Ms. Flordeliz Samonte ang mga consumers sa pork meats and frozen products sa pagpili atong adunay certificate sa National Meat Inspection Services. Gihingusgan sa Bureau of Animal Industry panaagi sa collaborative discussion on the ASF Communication Strategies para sa mga probinsya.

Nakalatid kini sa PAGLAUM Development Agenda ni Gov. Peter ‘Sr. Pedro’ M. Unabia sa letrang ‘U’ kon Unified Efforts for Health and Social Services Delivery.

By: Asthea Torrecampo/PIO