MGA DUGANG KALAMBOAN SA PROBINSYA GIBUTYAG NI GOBERNADOR UNABIA

GIPASIGARBO ni Governor Peter “Sr. Pedro” Unabia ang gitakdang pagpalapad sa Laguindingan Airport Terminal ning lalawigan.Matud ni Unabia ang maong kalamboan kini bunga sa pagpaningkamot sa mga kadagkuan sa lalawigan ilabi na ni 2nd District Congressman Bambi Emano.Base sa Facebook Page Account sa Civil Aviation Authority of the Philippines (CAAP) ang terminal expansion sugdan sa katapusan ning bulana ug matapos sa ikaduhang quarter sunod tuig.

Kini pagasugdan sa sunod tuig pinaagi sa pagtimbayayong sa Department of Transportation ug Aboitiz Equity Ventures.Samtang, gipadayag sa gobernador nga gilaraw niini nga mahimo ang rehiyon 10 isip International Trading Center pinaagi sa pagpadako usab sa Mindanao Container Terminal (MCT) ug Philippine Veterans Investment Development Corporation (PHIVIDEC) sa Tagoloan. Subay kini nga mga programa sa PAGLAUM Development Agenda sa gobernador sa letrang “M” kon Mobilization of Resources through Equitable Sharing.