SEARCH FOR PROVINCE-WIDE G4, GISUGDAN NA

GISUGDAN na ang indigay sa Garden of Go, Grow & Glow (G4) ning probinsya. Pagapilion niini ang Most Outstanding G4 Barangay ug Household ubos sa urban ug rural categories sa pagpanguna sa PHO- Nutrition Division Committee.
Laraw sa maong kompetisyon nga mapalapad ang kampanya batok malnutrisyon sa lalawigan.Kanunay ang pag-awhag ni Governor Peter “Sr. Pedro” Unabia sa katawhan sa pagpananom sa lagutmon diha sa ilan komunidad.
Ning kasamtangan anaa na sa ikatulong semana ang gipahigayong evaluation sa mga entries. Bag-ohay lang nahuman ang mga lungsod sa Lugait, Manticao, Naawan, Magsaysay, Medina, Talisayan, Libertad ug Gingoog City.
Ang mga mananaog makadawat og plaque of recognition ug cash prizes. Alang sa barangay level both urban ug rural categories, 1st placer kay trenta mil (30,000) pesos, 2nd place- biento singko mil (25,000) pesos ug 3rd- biente mil (20,000) pesos.
Samtang sa G4 household winners sa parehong categories, ang 1st Place modawat og kinse mil (15,000) pesos, 2nd Place- dies mil (10,000) pesos ug siete mil (7,000) pesos alang sa 3rd Placer.
Sa susamanghigayon, ongoing ang ilang distribusyon sa IEC materials mahitungod sa pinggang pinoy program ug nagkadaiyang nutrition flyers ngadto sa kabaranggayan.
Nakalatid kini nga inisyatiba sa PAGLAUM Development Agenda ni Gov. Unabia ubos sa mga letrang A kon agriculture development for poverty eradication ug U kon unified efforts for health and social services delivery.

By: Rejiann Ammor R. Maygay/PIO

Photos courtesy: Provincial Nutrition Committee of Misamis Oriental fb page