GIPANGUNAHAN ni Governor Peter “Sr Pedro” Unabia ang ground breaking and capsule laying ceremony sa mga proyekto didto sa Laguindingan ug El Salvador city ning lalawigan.
Kini nga mga proyekto gilangkoban sa Child Development Centers sa Brgy. Sinai nga adunay approved budget sa kapin tres milyones (3,258,714.57) pesos, Brgy Gasi nga Kapin tres milyones (3,265,649.81) pesos, ug Brgy Liberty nga kapin tres milyones (3,251,358.39) pesos. Ang Ulaliman Elementary School, School Building sa El Salvador City adunay approved budget nga kwatro milyones (4,032,407.99) pesos.
Anaa sa maong kalihokan sila si SP Board Members Rey Buhisan, Dexter Yasay, Bliss Francis Acain, Laguindingan Mayor Honorable Diosdado Obsioma, Provincial Engineering Office Head Prisco Valmoria, El Salvador Schools Division Superintendent Randolph Tortola, mga Kapitanes, mga Kagawad, MSWDOs, CDWs, ug uban pa.
Nakalatid kini sa Paglaum Development Agenda sa Gobernador sa letrang M kun Mobilization of Resources thru Equitable Sharing.
By: Angela Duat/PIO
Pagpanguna ni Governor Unabia kauban sila ni Laguindingan Mayor Obsioma, BM Dexter Yasay ug BM Rey atol sa Capsule Laying Ceremony.
Gov. Unabia sa iyang pagpanguna sa Groundbreaking and Capsule Laying Ceremony.
