MGA HEALTH WORKERS SA PROBINSYA GIPAUBOS SA FAMILY PLANNING TRAINING

Gipaubos sa Family Planning Competency Based Training 1 ang mga health workers sa probinsya. Ang maong training usa ka mahinungdanon nga pamaagi aron mapalambo ang ilang kahibalo ug kahanas paghatag sa dekalidad nga serbisyo sa family planning.

Kini nga pagbansay gipasiugdahan sa Department of Health-Northern Mindanao Center for Health and Development pinaagi ni Family Planning Regional Coordinator Ms. Fe Sumagpao.

Lakip sa gitudlo mahitungod sa reproductive health, family planning ug aktwal nga pag demo sa pagtambag sa mga kliyente.

Misalmot sab sa kalihokan ang Cagayan de Oro City Health Office, Cagayan de Oro City Hospital, Bukidnon Provincial Health Office, Commission on Population and Development Region 10 ug mga Rural Health Units sa rehiyon nga gipahigayon niadtong Oktubre 2-6 ning tuiga.

Nakalatid kini nga kalihokan sa PAGLAUM Strategic Direction ni Governor Unabia sa letrang “U” kon Unified Efforts for Health and Social Services Delivery ug letrang “P” kon Participatory Governance.