loader image

ENHANCED PAGLAUM BUSINESS ONE-STOP SHOP, GISUGDAN

GISUGDAN na ang PAGLAUM Business One-stop shop (P-BOSS) subay sa kamandoan ni Governor Peter “Sr. Pedro” Unabia. Tumong sa P-BOSS nga mapapaspas ang pagpadagan sa mga transaksyon sa Kapitolyo Probinsyal.
Matud sa Administrators Office tinguha sa gobernador nga daling makita ug mapadagan ang mga purchase request (PR) sa mga buhatan hilabi na sa mga ospital sa lalawigan.
Hikayon usab sa P-BOSS ang pagpadagan sa sweldo sa mga kawani sa Kapitolyo Probinsyal.
Ang P-BOSS usa ka sistemang gihimo sa administrasyong Unabia diin magtigom ang mga kadagkuan sa Provincial Administrator’s Office, Budget Office, Treasurers, Accounting, Legal, ug Bids and Awards Committee (BAC) aron paspas ang pagpirma ug review sa mga dokumento.
Ipahigayon ang P-BOSS sa Provincial Training Center matag adlawng miyerkules. Kabahin kini sa PAGLAUM development agenda sa gobernador nga nakalatid sa letrang P kon Participatory Governance.
By: Nefilim Diaz/PIO
Photo by: Mark Anthony Pareja/PIO