SINGLE DIGIT POVERTY INCIDENCE GILARAW NGA MAANGKON SA TUIG 2028
GILARAW nga makab-ot sa Panggamhanang Probinsyal ang single digit poverty incidence sa tuig 2028. Kini ang usa sa unod sa katigoman sa gobernador kauban ang mga deparment heads sa Kapitolyo Probinsyal atol sa Year-end review niini. Dugang sa gobernador, maangkon ang maong tinguha pinaagi sa mga lokal nga kagamhanan lakip na ang suporta gikan sa mga stakeholders.
Alayon niini, ipahigayon ang antipoverty summit ug performance review sa mga departamento sunod bulan.
Kasamtangan, anaa sa 25 porsyento ang poverty incidence rate sa probinsya ug gibana-banang kapin 41,900 ka mga pamilya. Kahinumduman, usa sa prayoridad ni Governor Unabia nga matabangan ug mahaw-as sa kalisod ang matag Pamilyang Misamisnon.
Subay kini nga programa sa PAGLAUM Development Agenda sa gobernador sa letrang “P” kon Participatory Governance.
By: Jane Salimbao/PIO
Hulagway kuha ni: Marvin Gilig/PIO
