OPISYAL nga gibuksan sa Association of Tourism Officers of Misamis Oriental (ATOM) ang ATOM Coffee shop sa kapitolyo probinsiyal. Kini nga shop nga gidumala sa Una Mela Dessert House anaa nahimutang ubos sa Provincial Tourism Office. Kini usa sa nag unang proyekto sa ATOM isip inisyatiba sa pagmugna ug proyektong makadugang kita sa tibouk probinsya.
Dakong kalipay ni Una Mela Owner Ms. Maria Pamela Claracay-Suico sa opportunidad nga mamahimong parte ang iyang negosyo diha sa pag uswag sa maong industriya sa turismo sa lalawigan. Adunay klasi-klaseng produkto ang gipasigarbo sa ATOM Coffee Shop, sama sa hot and iced coffee, teas , pastries sama sa cookies, cakes, ug sylvannas. Giklaro ni Ms. Suico nga iyang paningkamotan uban sa iyang mga staff nga mahimong product of Misamis Oriental ang iyang gipasigarbong Sylvannas. Gipangunahan ni Gov. Peter ‘Sr. Pedro’ Unabia uban ang mga SP Board Members, Provincial Tourism Officers ug ATOM sa pag-abre sa maong coffee shop.
Subay ang maong kalihokan sa PAGLAUM Development Agenda sa gobernador sa letrang ‘G’ kon Goal Oriented Tourism Development.By: Asthea Torrecampo/ PIO
Gov. Unabia uban sila Vice Gov. Jigjag Pelaez, SP Board Member Saysay Emano, Provincial Tourism Council Co-Chair Ms. Erlinda Unabia, ATOM President Edan Mark Vosotros ug Una Mela Owner Ms. Maria Pamela Suico sa pagpanguna sa Ribbon Cutting.
Gov. Unabia uban si Vice Gov. Jigjag Pelaez ug mga SP Board Member sa ATOM Coffee Shop.
Gov. Unabia sa pagtilaw sa hot coffee sa ATOM Coffee Shop.
ATOM Coffee shop nga gi-operate sa Una Mela Staff.