GIDAYEG ni Magsaysay Mayor Charlie Buhisan ang mga proyektong gitunol ni Governor Peter “Sr. Pedro” Unabia sa iyang lungsod. Matod ni Mayor Buhisan, dakog impact ang mga proyektong pagatukoron sa mga kabarangayan sama sa school buildings hilabi na sa mga magtutungha sa Barangay Tama.
Kahinumduman, usa sa mga napili ang barangay ang Tama sa programang Adopt a Barangay sa Provincial Governor’s Office diin personal kini nga gibisitahan sa gobernador. Gidugang ni Mayor Buhisan, mamahimong solusyon usab ang mga pagatukorong school buildings sa kakulangon sa mga classroom sa mga tunghaan sa Magsaysay.
Mapasalamaton si Mayor Buhisan sa pagpaningkamot sa gobernador nga mahatagan sa mga proyekto ang iyang lungsod hilabi na ang pagpalamabo sa sektor sa edukasyon pinaagi sa mga school buildings.
Kabahin kini sa PAGLAUM development agenda sa administrasyong Unabia nga nakaltid sa letrang P kon Participatory Governance ug letrang M kon Mobilization of Resources Thru Equitable Sharing.
By: Nefilim Diaz/PIO
