MOKABAT diyes bilyones pesos (P 10,000,000,000) nga gahin sa mga proyektong inprastraktura ang ipatuman sa lalawigan ning tuiga. Kini subay sa zoom meeting ni Governor Peter “Sr Pedro” Unabia Department of Public Works and Highways Region 10 ug Provincial Planning Office. Matod ni Planning and Development Officer Stanley Uriarte, igahin ang maong budget alang sa pagpalambo sa una ug segundong distrito ning lalawigan.
Kahinomduman nga una nang gisugyot ni Unabia ang maong mga proyekto isip chairman sa Regional Development Council 10 Infrastructure and Utilities Committee. Kini subay usab sa pakigtambayayong ni 1st District Congressman Christian Unabia, 2nd District Congressman Bambi Emano ug Cagayan de Oro 1st District Congressman Lordan Suan.
Kabahin kini sa PAGLAUM development agenda sa gobernador ubos sa letrang M kon Mobilization of Resources Thru Equitable Sharing.
