Dili mo-ubos sa tres mil ka mga bakanteng trabaho ang gitanyag para sa 2nd PAGLAUM MisOr RISE CDO Job fair. Ang nahisgutang mga oportunidad para sa mga gustong mo-trabaho dinhi lokal ug gawas sa nasud. Kapin usa ka gatos ka mga kompaniya sa pribadong sector ang mosalmot niining usa ka adlaw nga kalihokan Karong Enero 25 ning tuiga diha sa Limketkai Atrium.

Anaa usab ang mga ahensiya sa gobyerno sama sa Bureau of Jail Management and Penology, Bureau of Fire Protection, Social Security System ug uban pa. Ang maong job fair subay usab sa pakigtambayayong sa lokal nga kagamhanan sa lalawigan ug Cagayan de Oro, Department of Labor ug League of Peso Managers in Misamis Oriental.

Nakalatid kini sa Paglaum Development Agenda ni Governor Peter “Sr.Pedro” sa letrang L kun Livelihood and Employment through Industry Development.