6 KA LGU SGLG AWARDEE SA MISOR GIPASIDUNGGAN SA KAPITOLYO PROBINSYAL

GIPASIDUNGGAN sa Kapitolyo Probinsyal ang unom ka mga lokal nga panggamhanan sa probinsya human giangkon ang Seal of Good Local Governance. Ang nahisgutang pasidungog gihatag kini sa Department of Interior and Local Government (DILG).

Ang nahisgutang mga LGUs gilangkuban sa Alubijid, Claveria, Medina, Opol ug mga syudad sa El Salvador ug Gingoog. Ang Certificate of Recognition gitunol ni Governor Peter “Sr. Pedro” Unabia, Vice Governor Jiag Jag Pelaez ug mga miyembro sa Sangguniang Panlalawigan atol sa senemanang pagpakayab sa nasudnong bandila sa lalawigan.

Ang mga awardees makadawat sa tag-2.5 milyones pesos nga proyekto gawas sa El Salvador city nga modawat sa singko milyones pesos isip lima ka higayon nang SGLG awardee. Ang mga certificate of Recognition linawas nga gidawat nila ni Alubijid

Mayor Emmanuel Jamis, Claveria Mayor Meraluna Abrogar-Salvaleon, Medina Mayor Donato Chan, Opol Mayor Jay Francis Bago, El Salvador City Edgar Lignes ug Gingoog City Mayor Erick Cañosa.

Subay kini nga kalihokan sa PAGLAUM Development Agenda ni Gobernador Peter Unabia sa letrang “P” kon Participatory Governance.

Hulagway kuha ni: Marvin Gilig/PIO