MOKABAT sa kapin syete sientos mil pesos (733,847.07) nga proyektong communal comfort room ang gi-turn over sa Provincial Disaster Risk Reduction and Management Office (PDRRMO) sa Sitio Tuga-Tugason, Barangay Blanco, Balingasag. Ang nahisgutang kantidad naglakip sa 400 mil pesos (494,044.34) niini ang pag renovate sa 4 communal comfort room ug kapin 200 mil pesos (239,802.73) ang additional 2 communal cr.
Mitunol usab ang PDRRMO ug mga kagamitan gikan sa Early Childhood Care Development Office (ECCD) sama sa duha (2) ka wall fan, isa (1) ka refrigerator, reading materials ug mga dulaan alang sa Child Development Center (CDC) sa Brgy. Blanco. Lakip usab gitunol sa PDRRMO ang mga relief goods gikan sa Provincial Social Welfare and Development Office (PSWDO). Mapasalamaton si Brgy. Blanco Kapitana Darlene Edades sa pagpaningkamot sa PDRRMO nga mahatagan sa maong proyekto ang iyang barangay.
Kabahin kini nga kalihokan sa PAGLAUM development agenda sa gobernador ubos sa letrang M kon Mobilization of Resources Thru Equitable Sharing.
By: Nefilim Diaz/PIO
Mga kagamitan sa mga bag-ong tukod nga communal toilet nga gitunol sa PDRRMO.
Paghatag mensahe ni PDRRMO Head Fernando Vincent Dy, Jr.
