MAPASALAMATON og dako si Claveria Mayor Hon. Meraluna S. Abrogar sa pag-ila ni Gobernador Peter Unabia sa ilang lungsod nga 2023 Seal of Good Local Governance awardee. Matud ni Mayor Abrogar dakong kalampusan ang maong award tungod kay nagsilbi kining bunga sa ilang paningkamot ubos sa nagkadaiyang kategorya sa peace and order, social services, education, health, youth development ug uban pa.
Gawas sa maong award, naangkon sab sa lungsod ang LCAT-VAWC awardee, Top 5 Child Friendly Municipality ug Top 5 Most Oriented Municipality in the tourism aspect, Gawad Kalasag awardee ug Peace and Order Council Awardee. Kahinumduman, nahimo usab nga SGLG awardee ang mga lungsod sa Alubijid, Medina, Opol, Salay, Sugbongcogon, Villanueva ug mga syudad sa El Salvador ug Gingoog.
Subay kini nga programa sa PAGLAUM Development Agenda ni Gobernador Peter “Sr. Pedro” Unabia sa mga letrang “P” kon Participatory Governance ug letrang “U” kon Unified efforts for Health and Social Services Delivery.
