DSWD SEC. GATCHALIAN SALUDO SA PANINGKAMOT NI GOV. UNABIA
SALUDO si Department of Social Welfare and Development Office Secretary Rex Gatchalian sa paningkamot ni Gobernador Peter Unabia nga mapalambo pa ang lalawigan sa Misamis Oriental. Kini human nasayran niini ang mga programa nga gipatuman sa probinsya ubos sa PAGLAUM Strategic Direction sa gobernador.
Gidayeg sab niini ang dakong kahingawa sa gobernador nga matabangan ang mga kabus ug nanginahanglan hilabina sa mga bayronon sa ospital. Kahinomduman nga mipirma ug Memorandum of Agreement ang lalawigan ug DSWD para sa programang Assistance to Individuals in Crisis Situation Program. Kini nga kasabutan para sa dugang pundo nga direktang ipahimutang sa mga provincial hospital ning lalawigan.
Nakalatid kini nga mga inisyatiba sa PAGLAUM Development Agenda sa gobernador sa letrang “U” kon Unified efforts for Health and Social Services Delivery.
By: Jane Salimbao/PIO
Hulagway kuha ni: Jezreel Ecuacion/PIO
