GOBERNADOR UNABIA GIPAHUGTAN ANG PAGPATUMAN SA CFW – 2024

GIMANDO ni Governor Peter “Sr Pedro” Unabia ang hugtanong pag-monitor sa Cash for Work Program sa tuig 2024. Ang kamandoan ni Unabia gitumong sa Provincial Social Welfare Office ug Provincial Local Environment and Natural Resources Office. Matod sa gobernador nga gikinahanglang kanunay ang pag monitor sa output sa mga beneficiaries sa Risk Resiliency Program-Climate Change Adaptation and Mitigation Disaster Risk Reduction (RRP-CCAM DRR) Cash for Work (CFW) Program.

Gidugang usab sa gobernador nga gikinahanglan ang hugot nga kooperasyon sa mga local government unit inubanan sa Department of Social Welfare and Development Office (DSWD) bahin sa implementasyon sa maong programa.

Kahinumdomang gisugdan sa PSWDO ug PLENRO ang pagpapatuman sa assorted tree planting niadtong tuig 2023 ug bamboo planting ning tuiga subay sa RRP-CCAM DRR CFW. Ang RRP-CCAM DRR CFW usa ka programa sa DSWD diin nagtinguha nga mahatagag higayon ang kinaiyahan pina-agi sa pagpangempleyo sa mga kabus sulod sa napulo ka adlaw nga kontrata.

Kabahin kini sa PAGLAUM strategic direction sa gobernador nga nakalatid sa letrang G kon Goal Oriented Tourism Development ug letrang L kon Livelihood and Employment Thru Industry Development.

Hulagway kuha nila ni: Jezreel Ecuacion & Mel Theresa Ruales/PIO