MENTAL HEALTH PADAYONG GITUTOKAN SA CLAVERIA
GIBUTYAG ni Claveria Mayor Hon. Meraluna S. Abrogar nga padayung gitutokan niini ang hisgotanan sa Mental Health Program sa ilang lungsod. Lakip sa gihingusgan nga programa sa lungsod ang Strengthening Family Relationship nga nagtinguha nga maminusan ang isyu kalabot sa broken family, depression, suicide, rape ug uban pa.
Tumong sa mayora nga mapalig-on ang matag pamilya nga maoy giila nga batakang yunit sa katilingban.
Tungod sa maong programa, nahimo kining Outstanding Mayor of the Philippines sa sektor sa social services sa ikaduhang higayon.Dugang sa mayora nga usa sab kini sa gipangandoy ni Governor Peter “Sr. Pedro” Unabia nga mapatuman kini nga programa sa tibuok probinsya.
Subay kini nga programa sa Paglaum Development Agenda ni Governor Peter Unabia sa letrang “U” kon Unified Efforts for Health and Social Services Delivery.
By: Jane Salimbao/PIO
