PSWMB HATAGAG AKSYON ANG SITWASYON SA TUBIG SA MISOR
GISIGURO sa Provincial Solid Waste Management Board (PSWMB) nga hatagan sa daling aksyon ang sitwasyon sa katubigan ning lalawigan atol sa ilang 4th quarter meeting ning tuiga. Matod ni Provincial Local Environment and Natural Resources Office Head Engr. Rene Guingguing, alarming ang taas nga phosphorus ug coliform content sa kasubaan ug kadagatan ning lalawigan.
Gidugang ni Engr. Guingguing, usa sa aksyon sa PLENRO ang pagbansay sa mga City ug Municipal ENRO bahin sa pag kuha og sample sa tubig Kahibaloan, ang taas nga phosphorus sa kasubaan moresulta sa pagdaghan sa algae o ang pag color green sa suba nga moresulta usab sa pagtaas sa ‘algal toxin’ nga makadaot sa tao ug mananap. Samtang ang coliform usa ka bacteria nga makahatag og sakit sama sa pagsuka, hilanat ug kalibanga.
Kabahin kini sa PAGLAUM strategic direction sa gobernador nga nakalatid sa letrang U kon Unified Efforts for Health and Social Services Delivery.
By: Nefilim Diaz/PIO
Hulagway kuha ni: Mark Anthony Pareja/PIO
